«ԱՊԱԳԱ» կոնսորցիում
Գերմանացիներն իրենց ազգային խնդիրները լուծեցին մեքենաշինությամբ, անգլիացիները` նավատորմով, ռուսները` զենքով, հրեաները` սփյուռքում ապրող մեծահարուստ հրեաների ներդրումների, ազգային տուրքի և արյան գնի հաշվին, իռլանդացիները` ԱՄՆ-ի իռլանդացիների խոշոր ներդրումների հաշվին:
Աշխարհում ապրում է մոտ տասերկու միլիոն հայ. մոտ մեկ և կես միլիոն՝ ԱՄՆ-ում, մոտ մեկ միլիոն՝ ԵՄ-ում, մոտ երեք միլիոն՝ ՌԴ-ում և միայն մոտ երկու միլիոն՝ ՀՀ–ում, ովքեր բացառիկ հնարավորություն ունեն կարճ ժամանակում Հայաստանը դարձնել աշխարհի լավագույն պետություններից մեկը։
«ԱՊԱԳԱ» կոնսորցիումը բաց բաժնետիրական ընկերություն է, որը նպատակ ունի մտահոգ և խանդավառ հայության նվազագույն միջոցների կուտակման և հայակենտրոն ծրագրերի միջոցով լուծել մեր առջև ծառացած հսկայական տնտեսական խնդիրների մի մասը և իրականացնել տնտեսական գործունեություն` շահույթ ստանալու նպատակով։
Մենք ունենք հստակ սոցիալական ուղղվածություն և առաջին հերթին կենտրոնանալու ենք հասարակության այն շերտերի վրա, որոնք գտնվում են սոցիալական ծանր վիճակում։ Կոնսորցիումի գործունեության հիմնական ոլորտը շինարարական արդյունաբերությունն է, գիտահետազոտական աշխատանքները, տեղեկատվական տեխնոլոգիաները:
ՄԵՐ ՏԵՍԼԱԿԱՆԸ
Հայության կայացած միջին շերտի և «ԱՊԱԳԱ» Կոնսորցիումի անմիջական մասնակցությամբ լուծել հայության առջև ծառացած տնտեսական խնդիրները: Կոնսորցիումին առանց որևէ սահմանափակման կարող են անդամակցել բոլոր հայկական կազմակերպություններն ու անհատները։ Կոնսորցիումն իր մասնաճյուղերն է ունենալու ԱՄՆ-ում, ՌԴ -ում, ԵՄ-ում, ՀՀ-ում և Միջին ու Մերձավոր Արևելքում:
ՄԵՐ ՆՊԱՏԱԿԸ
Խթանել ՀՀ տարածքում շինարարական արդյունաբերության ոլորտը և հայկական արտադրանքի սպառումը մասնավորապես վճարունակ երկրներում:
Նպաստել աշխարհի հայաշատ օջախներում ձեռնարկությունների ստեղծման համար անհրաժեշտ պայմանների ապահովմանը, որոնք տեղում կսպասարկեն հայ համայնքներին և կնպաստեն համայնքային կառույցների ֆինանսական կայացմանը:
Կոնսորցիումի կապիտալը ներդրվելու է միայն հայակենտրոն գործարար ծրագրերում:
ԿՈՆՍՈՐՑԻՈՒՄԻ ԿԱՊԻՏԱԼԸ․
Կոնսորցիումի կապիտալը ձևավորվում է վաճառված բաժնետոմսերի գումարից և այլ ֆինանսական աղբյուրներից: Կոնսորցիումի 49 % բաժնեմասը բաժնետոմսերի և այլ արժեթղթերի ձևով կվաճառվի շուկայում:
Մեկ բաժնետոմսի արժեքը սահմանվում է 100$, մեկ անվանական բաժնետոմսինը՝ 500$:
ՀՀ-ում ապրող և պաշտոնապես աղքատ ճանաչված հայերին տրամադրել մեկ 100$ արժողությամբ բաժնետոմս` վճարունակ դառնալու պարագայում բաժնետոմսի գինը հատուցելու պայմանով:
Յուրաքանչյուր հայ իրավունք ունի դառնալ կոնսորցիումի բաժնետեր, գործատեր, պատվիրատու և կատարող:
ԿԱՌԱՎԱՐՈՒՄԸ․
Կոնսորցիումի կառավարումը, ըստ մշակված կանոնակարգի, իրականացնում է ԲԲԸ հիմնադիր անդամներին պատկանող 51% բաժնեմասի ներկայացուցիչների խորհուրդը։
Կոնսոցիումի հիմնադիրները ազգությամբ հայեր են, իրավաբանական և ֆիզիկական անձինք ՝ տարբեր երկներից։
| 1 | Արմեն Բարսեղյան | ԱՄՆ, Լոս Անջելես | գործարար |
| 2 | Վահե Մեսրոպյան | ԱՄՆ, Լոս Անջելես | ծառայող |
| 3 | Սահակ Միքայելյան | ԱՄՆ, Լոս Անջելես | ծառայող |
| 4 | Սերոբ Դարբինյան | Նիդերլանդներ,Նայկերկ | նկարիչ |
| 5 | Արայիկ Վարդանյան | ՌԴ, Մոսկվա | անհատ ձեռներեց, իրավաբան |
| 6 | Կարեն Վարդանյան | ՌԴ, Վորոնեժ | անհատ ձեռներեց |
| 7 | «ՍԱԱԲ» ՍՊԸ | ՌԴ, Բրյանսկ | ձեռնարկություն |
| 8 | Սարգիս Սարգսյան | ՌԴ, Մոսկվա | հասարակական գործիչ |
| 9 | Արամ Մկրտչյան | ԳԴՀ, Մայնց | գործարար |
| 10 | Տիգրան Բագրատունի | ԳԴՀ, Քյոլն | ծառայող |
| 11 | Լարիսա Հովհաննիսյան | Իսպանիա, Մադրիդ | ծառայող |
| 12 | Կարինե Հայրապետյան | ԳԴՀ, Մայնց | ԳՀՄԱ ԵՄ պատասխանատու |
| 13 | Սիրեկան Մարտիրոսյան | ՀՀ, Աբովյան | ծառայող |
| 14 | Դավիթ Ալեքսանյան | ՀՀ, Երևան | ՀԿ նախագահ |
| 15 | Տիգրան Ռշտունի | ՀՀ, Երևան | լրագրող |
| 16 | «Շուշի» հիմնադրամ | Արցախ | Հասարակական կազմակրեպություն |
| 17 | «Նոյ Տրեյդ» ՍՊԸ | ՀՀ, Աբովյան | ձեռնարկություն |
| 18 | Ազատ Սարգսյան | ՀՀ, Երևան | գիտությունների թեկնածու |
| 19 | «ԱԿՏՈՒԱԼ ԲԻԶՆԵՍ» ՍՊԸ | ՀՀ, Գյումրի | ձեռնարկություն |
| 20 | Գևորգ Նուրումյան | Ֆրանսիա, Փարիզ | ծառայող |
| 21 | Արմեն Սեդրակյան | ՀՀ, Երևան | գիտությունների թեկնածու |
ԲԱԺՆԵՏԵՐ
Բաժնետեր կարող է դառնալ ցանկացած հայ, ով կգնի բաժնեմաս, կստանա հավաստագիր և որպես բաժնետեր կգրանցվի կոնսորցիումի գրանցամատյանում (ռեեստորում)։
Կոնսորցիումը հազար (մեկ հազար) հատ 100 դոլար արժողությամբ (ընդհանուր` հարյուր հազար ԱՄՆ դոլար արժեքով) բաժնետոմս է հատկացնում հայ մտավորականներին և ազատամարտիկներին` անկախ իրենց բնակության վայրից։
Ստեղծվում է 40 աշխատանքային հարթակ՝ մեկ միլիոն դոլար ընդհանուր կապիտալով։
Աշխատանքը նախատեսված է 18-65 տարեկան յուրաքանչյուր անձի համար, ով ունի մասնագիտական որակավորում ըստ Կոնսորցիումի ոլորտների, տիրապետում է համակարգչին, հայերեն, անգլերեն, ռուսերեն կամ որևէ մեկ այլ լեզվի
ԲԱԺՆԵՏՈՄՍԵՐԻ ԱՌՔ ՈՒ ՎԱՃԱՌՔ․
- Մեկ բաժնետոմսը` 100 դոլար, տարեկան 12 % եկամտաբերություն։
- Անվանական բաժնետոմսը` 500 դոլար, տարեկան 12 % եկամտաբերություն։
- ՀՀ տարածքում իրականացվում է համաձայն «Արժեթղթերի շրջանառության մասին» ՀՀ օրենքի և «ՆԱՍԴԱՔ ՕԷՄԷՔՍ ԱՐՄԵՆԻԱ» բաց բաժնետիրական ընկերություն արժեթղթերի տեղաբաշխման կազմակերպման կանոնների։
- ԱՄՆ, ՌԴ, ԵՄ տարածքներում բաժնեմասի վաճառքն իրականացվում է տվյալ երկրում գործող օրենքների համաձայն, «ԱՊԱԳԱ» կոնսորցիումի կայքի միջոցով։
- Այլ երկրներում բաժնետոմսերի առք ու վաճառքն իրականացվում է միայն «ԱՊԱԳԱ» կոնսորցիումի կայքի միջոցով։
Բաժնետոմսերի վաճառքից գոյացած գումարը և այլ ֆինանսական հոսքերը կուտակվում են Գերմանիայում։
ԲԱԺՆԵՏԻՐՈՋ ԻՐԱՎՈՒՆՔՆԵՐԸ․
Բաժնետերն իր բաժնեմասը կարող է տնօրինել ըստ իր ցանկության. վաճառել, նվիրել կամ օտարել։
Բաժնետերն իրավունք չունի օտարել կամ վաճառել կոնսորցիումի կողմից բաժին ստացած բաժնետոմսը։
Բաժնետոմսը նա կարող է կամ հետ վերադարձնել, կամ փոխանցել իր ժառանգներին։
ՆԵՐԴՐՈՒՄ․
- Ներդրողը ֆինանսական միջոցը չի կարող վերցնել շուտ, քան՝
Ա) առաջին տարում մեկ տարվա կտրվածքով 1 անգամ 365 օրը լրանալուց հետո։ Տարեկան հաշվետվության հանձնման պահից տասը օրվա ընթացքում։
Բ) երկրորդ և մնացած տարիներին 200 օր լրանալուց հետո տասն օրվա ընթացքում։
- Ներդրողների համար թողարկվում է պարտատոմսեր (օբլիգացիաներ):
- Պարտատոմսերի ժամկետայնությունը կբաժանվի 3 հիմնական խմբի.
365 օր կամ մեկ տարի
730 օր կամ երկու տարի
1095 օր կամ երեք տարի